vidamuyarchi review
vidamuyarchi movie review: நடிகர் அஜித் குமாரின் “விடாமுயற்சி” திரைப்படம், இரண்டு ஆண்டுகளுக்குப் பிறகு இன்று திரைக்கு வந்துள்ளது. மகிழ் திருமேனி இயக்கத்தில் உருவாகியுள்ள இப்படம், ஹாலிவுட் படமான “பிரேக் டவுன்” படத்தின் அதிகாரப்பூர்வ ரீமேக் என்று சொல்லப்படுகிறது. லைகா தயாரிப்பில், அனிருத் இசையில், அஜித், த்ரிஷா, ஆரவ், அர்ஜுன் மற்றும் ரெஜினா ஆகியோர் நடித்துள்ளனர்.
ஆந்திராவில் அதிகாலை காட்சி திரையிடப்பட்ட நிலையில், ரசிகர்கள் தங்களது உற்சாகத்தையும் கருத்துகளையும் வெளிப்படுத்தியுள்ளனர். அஜித்தின் ரசிகர்கள், அவரை திரையில் பார்ப்பதற்காகவே திரையரங்குகளில் குவிந்துள்ளனர். “அஜித் தரிசனம் போதும்” என்று சிலர் கூற, “அஜித்தின் வெற்றி தோல்வி முக்கியமில்லை, அவரை திரையில் பார்த்தாலே போதும்” என்று மற்ற ரசிகர்கள் தெரிவித்தனர்.
ரசிகர்கள் மேளதாளங்களுடன் ஆடிப்பாடி கொண்டாடினர். அஜித்தின் பேனர்களுக்கு மாலை அணிவித்து, திஷ்டி பூசணிக்காய் உடைத்து, பால அபிஷேகம் செய்தனர். “கடவுளே.. அஜித்தே.. உயிரே.. அஜித்தே..” என்று கோஷமிட்டனர். இருப்பினும், ரசிகர்கள் தன்னை கொண்டாட வேண்டாம் என்று அஜித் ஏற்கனவே அறிக்கை வெளியிட்டிருந்தது குறிப்பிடத்தக்கது.
“விடாமுயற்சி” மட்டுமல்ல, இனி வரும் அஜித்தின் அனைத்து படங்களும் வித்தியாசமாக இருக்கும் என்று ரசிகர்கள் நம்பிக்கை தெரிவித்துள்ளனர். பத்ம பூஷன் விருது அறிவிக்கப்பட்ட பிறகு வெளியாகும் படம் என்பதால், இந்தியா முழுவதும் இப்படத்தின் மீது கவனம் குவிந்துள்ளது. “படம் கட்டாயம் வெற்றி பெறும்” என்று ரசிகர்கள் நம்பிக்கை தெரிவித்தனர்.
ரசிகர் மன்றம் கலைக்கப்பட்ட பின்னரும், அஜித்திற்கு ரசிகர்கள் இருப்பது அவரது தனித்துவத்தை காட்டுவதாக ஒருவர் கூறினார். “எங்கள் நாடி நரம்பில் எல்லாம் அஜித் தான் இருக்கிறார். குட் பேட் அக்லி இன்னும் சில மாதங்களில் ரிலீஸ் ஆகவுள்ளதால், நாங்கள் இன்னும் ஆவலுடனும் ஆர்வத்துடனும் இருக்கிறோம்” என்று மற்றொரு ரசிகர் தெரிவித்தார்.
மொத்தத்தில், “விடாமுயற்சி” திரைப்படம் ரசிகர்களின் மிகுந்த எதிர்பார்ப்பை பூர்த்தி செய்யும் வகையில் அமைந்துள்ளது. அஜித்தின் நடிப்பு, மகிழ் திருமேனியின் இயக்கம், அனிருத்தின் இசை என அனைத்தும் ரசிகர்களைக் கவரும் வகையில் அமைந்துள்ளன. படம் வெற்றி பெற வாழ்த்துக்கள்!
