கொரோனா பெருந்தொற்றுக்குப் பின்னர், வீட்டிலிருந்து வேலை செய்யும் பழக்கம் பலருக்கும் இயல்பாகிவிட்டது. இது நமக்கு நேரத்தை மிச்சப்படுத்தினாலும், உடல்நல பிரச்சினைகளையும் ஏற்படுத்துகிறது. குறிப்பாக, உட்கார்ந்தே வேலை செய்வதால் உடல் செயல்பாடுகள் குறைந்து, எடை அதிகரிப்பு ஏற்படும் அபாயம் அதிகம். ஆனால், சரியான உணவுத் திட்டத்தைப் பின்பற்றுவதன் மூலம் இந்த பிரச்சினையை சமாளிக்கலாம்.
உட்கார்ந்தே வேலை செய்பவர்கள் சாப்பிட வேண்டிய 5 உணவுகள்:
- பச்சை இலை காய்கறிகளில் நார்ச்சத்து மிகுதியாக உள்ளது. இவை செரிமானத்தை சீராக வைத்து, நீண்ட நேரம் வயிறு நிறைந்திருக்கும் உணர்வைத் தருகின்றன. பச்சை இலை காய்கறிகளில் வைட்டமின்கள், தாதுப்பொருட்கள் நிறைந்துள்ளதால், உடலுக்கு தேவையான ஊட்டச்சத்துக்களை அளிக்கின்றன.
- பழங்களில் நார்ச்சத்துடன் கூடுதாக, வைட்டமின்கள் மற்றும் ஆன்டிஆக்ஸிடன்ட்கள் நிறைந்துள்ளன. ஆப்பிள், பேரிக்காய், பெர்ரி போன்ற பழங்கள் உடல் எடையை குறைக்க உதவும்.
- கொட்டைகள் மற்றும் விதைகளில் புரதம், நார்ச்சத்து மற்றும் ஆரோக்கியமான கொழுப்புகள் நிறைந்துள்ளன. இவை நீண்ட நேரம் வயிறு நிறைந்திருக்கும் உணர்வைத் தருகின்றன. பாதாம், வால்நட், சியா விதை போன்றவற்றை தினமும் சிறிதளவு உட்கொள்ளுங்கள்.
- முழு தானியங்களில் நார்ச்சத்து மிகுதியாக உள்ளது. இவை இரத்த சர்க்கரை அளவை சீராக வைத்து, நீண்ட நேரம் ஆற்றலை அளிக்கின்றன. பழுப்பு அரிசி, ஓட்ஸ், பார்லி போன்ற முழு தானியங்களை உணவில் சேர்த்துக் கொள்வது நல்லது.
- கிழங்குகளில் கார்போஹைட்ரேட், நார்ச்சத்து மற்றும் பல்வேறு வைட்டமின்கள் நிறைந்துள்ளன. இவை உடலுக்குத் தேவையான ஆற்றலை அளிக்கின்றன. உருளைக்கிழங்கு, சர்க்கரைவள்ளி கிழங்கு போன்றவற்றை வேகவைத்தோ அல்லது சுட்டோ சாப்பிடலாம்.
இது தவிர, நாள் முழுவதும் போதுமான அளவு தண்ணீர் குடிப்பது மிகவும் முக்கியம். இது செரிமானத்தை சீராக வைத்து, உடல் எடையைக் குறைக்க உதவும். வீட்டிலேயே சில எளிய உடற்பயிற்சிகளை செய்யலாம். இது உடல் எடையை குறைத்து, உடல் ஆரோக்கியத்தை மேம்படுத்தும். ஒரே நேரத்தில் உணவு உண்பது செரிமானத்தை சீராக வைத்து, எடை அதிகரிப்பை தடுக்கும்.
இந்த விஷயங்களை ஒதுக்காமல் நிச்சயம் பின்பற்றுங்கள்.
