எளிமையாகக் கிடைக்கும் முருங்கைக் கீரையில் இவ்வளவு நன்மைகள் உள்ளதா?

தற்போதுள்ள நகரமயமாதலிலும் வீட்டுக்கு ஒரு முருங்கை மரம் உள்ளது. பொதுவாக கிராமங்களில் பெரும்பாலான வீட்டுகளில் இரண்டு மூன்று முருங்கை மரங்கள் கூட காணப்படும். எளிமையாக கிடைக்கக்கூடிய முருங்கைக்கீரை பலருக்கு ஃபேவரைட். இந்தப் பதிவில் முருங்கைக் கீரையில் உள்ள சத்துக்களை பின்வருமாறு காணலாம்.

1. முருங்கைக் கீரையில் வைட்டமின் ஏ,பி,சி சத்துக்கள் கொட்டிக் கிடக்கின்றன. குறிப்பாக சுண்ணாம்புச் சத்து, புரதம்,இரும்புச்சத்து,கந்தகம், மெக்னீசியம்,குளோரின், தாமிரம் போன்ற சத்துக்களும் உள்ளன.
2. முருங்கை இலை பொடியை எடுத்துக் கொள்வது மூளை ஆரோக்கியத்திற்கு மிகப்பெரிய அளவில் உதவுகிறது.
3. மேலும், இது அல்சைமர் நோயை குணப்படுத்தும் தன்மை உடையது. ஞாபகமறதியால் அவதிப்படுபவர்களுக்கு முருங்கைக் கீரையில் உள்ள வைட்டமின் இ மற்றும் சி சத்துக்கள் ஞாபக சக்தி மற்றும் மனவளத்தை மேம்படுத்த உதவுகிறது.
4. முருங்கை இலையை சூப் செய்து பருகுவதால் மார்பக சளி,ஆஸ்துமா, சைனஸ் போன்ற சுவாசக் கோளாறுகளுக்கு தீர்வு கிடைக்கிறது. முருங்கை இலை பொடி மூளை ஆரோக்கியத்திற்கு உதவுவதோடு மட்டுமல்லாமல் இதய நலனிற்க்கும் பாதுகாப்பளித்து ரத்தத்தில் உள்ள கொழுப்புகளின் அளவை குறைக்கிறது.
5. மகப்பேறு அடைந்த பெண்கள் முருங்கைக் கீரையை தினமும் உணவில் சேர்த்துக் கொள்வதால் தாய்ப்பால் சுரப்பதை அதிகரிக்க உதவுகிறது. முருங்கை இலைச் சாறு ரத்தத்தை சுத்துகரித்து எலும்புகளுக்கு பாதுகாப்பு தருகிறது. மேலும் கர்ப்பப்பை நலனுக்கும் கர்ப்பப்பையில் ஏற்படும் பிரச்சனைகளுக்கும் தீர்வாக உள்ளது.
6. முருங்கைக் கீரையில் உள்ள பாக்டீரியாக்கள் மற்றும் பூஞ்சை போன்ற எதிர்ப்பு சத்துக்கள் சரும பிரச்சனைகள் மற்றும் சருமத்தில் ஏற்படும் பாக்டீரியா தொற்றுகள் போன்றவற்றிலிருந்து பாதுகாப்பு அளிக்கிறது.
7. முருங்கைக் கீரை பொரியலை தினசரி உணவில் சேர்த்து வந்தால் பித்த மயக்கம்,மலச்சிக்கல்,பார்வை மந்தம்,கண்நோய் போன்றவை குணமாகும். சிறுநீர் குழாயில் உள்ள தொற்றுகளை போக்கவும் உதவும்.

உடல் சூடு அதிகம் இருப்பவர்கள் வாரத்தில் இரண்டு முறையாவது முருங்கைக் கீரையை சேர்த்துக் கொள்ள உடல் சூடு தணியும். இன்னும் எவ்வளவோ நன்மைகளை உள்ளடக்கிய முருங்கைக்கீரை நமக்கு எளிதாகக் கிடைக்கக்கூடிய ஒன்று, தினசரி உணவில் முருங்கைக் கீரையை சேர்த்துக்கொண்டு நம் உடல் நலத்தை பேணிப் பாதுகாப்போம்.